Almatyda Qapparov kóshesi bir túnge jabylady
ALMATY. KAZINFORM – Qapparov kóshesindegi aýmaqqa ortasha jóndeý jumystary júrgizýge baılanysty kólik qozǵalysyna ýaqytsha shekteý engiziledi.
18 shilde saǵat 23:00-den 19 shilde saǵat 06:00-ge deıin Úshkempirov kóshesinen «Suńqar» shańǵy tramplınderi keshenine deıingi ýchaskede qozǵalys jabylady. Jamaqaev pen Úshkempirov kósheleri arqyly aınalyp ótýge bolady.
«Jóndeletin ýchaskede eskertý belgileri, merdiger uıym basshysynyń baılanys aqparaty jazylǵan stendter qoıyldy. Marshrýtty aldyn ala josparlaýdy suraımyz», - delingen habarlamada.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS servısterinde jazylǵan.
