Almatyda qapqa jasyrylǵan qarý-jaraq tabyldy
ALMATY. KAZINFORM – Almatyda qarý men oq jasyrylǵan oryn anyqtaldy.
Qalalyq polıtsııa departamentiniń málimetinshe, Túrksib aýdanynda qaraýsyz qalǵan ǵımarattyń mańynan kúdikti qap tabylǵan. Oqıǵa ornyna dereý jedel-tergeý toby kelgen.
Qaptyń ishinen syrtqy belgileri oıyq uńǵyly «Saıga» karabinine jáne tapanshaǵa uqsas zattar, sondaı-aq oq-dáriler – karabınge arnalǵan 10 patron jáne tapanshaǵa arnalǵan 4 patron tabyldy.
- Tabylǵan zattardyń barlyǵy tárkilenip, sot-ballıstıkalyq saraptamaǵa jiberildi. Polıtsııa qyzmetkerleri qarýdyń shyǵý tegin, tabylǵan arsenaldyń qandaı da bir qylmysta paıdalanylǵan-paıdalanylmaǵanyn jáne qaýipti qarý-jaraqtyń qandaı jaǵdaıda tastalǵanyn anyqtaýy tıis. Qazirgi ýaqytta keshendi jedel-tergeý is-sharalary júrgizilip jatyr, - dep habarlady departamentten.
Eske salaıyq, buǵan deıin Almatyda avtokólikten qarý men pyshaq tabyldy.
