Almatyda Qańtar oqıǵasyna qatysty birneshe aıyptalýshyǵa sot úkimi shyqty

ALMATY. KAZINFORM — Almaty Qańtar oqıǵasyna qatysty 45 aıyptalýshynyń isi qaralyp jatyr.

Aıyptalýshylar arasynda Arman Jumageldıev, Almaty máslıhatynyń burynǵy depýtaty Qaırat Qudaıbergen, UQK besinshi departamentiniń burynǵy basshysy Rýslan Ysqaqov ta bar.

Olarǵa bılikti nemese laýazymdyq ókilettikterdi asyra paıdalanǵany (QK-niń 362-baby), uıymdasqan qylmystyq topty qurǵany, oǵan basshylyq jasaǵany jáne oǵan qatysqany (QK-niń 262-baby), tonaǵany (QK-niń 191-baby), zańsyz bas bostandyǵynan aıyrǵany (QK-niń 126-baby), 2022 jylǵy qańtardaǵy jappaı tártipsizdikterdi uıymdastyrǵany jáne oǵan qatysqany (QK-niń 272-baby), bandıtızm (QK 268-baby) úshin aıyp taǵyldy.

Sotta isi qaralǵan birneshe aıyptalýshy 3 jylǵa bas bostandyǵynan aıyryldy. Qamaýda ustaý ýaqytyn eskere otyryp, olar ótelgen merzimge baılanysty jazadan bosatyldy.

Eske salaıyq, 2022 jyly Almatyda polıtseıler qylmys áleminiń bedeldisi Arman Jumageldıevti ustaǵan bolatyn. 

2023 jyly qyrkúıek aıynda Almaty mańyndaǵy № 72 túzeý mekemesiniń tergeý ızolıatorynda máslıhattyń eks-depýtaty Qaırat Qudaıbergen men Arman Jumageldıevke qatysty sot protsesi bastaldy.