Almatyda qant tapshylyǵy máselesi qalaı sheshilip jatyr
ALMATY. KAZINFORM - Almatynyń saýda jelileri úshin 4,5 myń tonna qant satyp alyndy. Bul týraly megapolıs ákimdigi habarlady.
Almaty qalasynda áleýmettik mańyzy bar azyq-túlik taýarlarynyń baǵasyn turaqtandyrý jáne baǵanyń ósýine jol bermeý úshin «Almaty «ÁKK» AQ taýar bırjasynda saýda-sattyq nátıjeleri boıynsha 4,5 myń tonna qant jetkizýge shart jasasty.
- Otandyq óndiristegi qant qalanyń saýda jelilerine belgilengen satý baǵasy boıynsha – kelisine 380 teńgeden aspaıtyn baǵamen satylady. Óz kezeginde qant satatyn bólshek saýdagerler satý baǵasyna 10%-dan aspaıtyn ústemeaqyny saqtaıdy. Bul shara Almatydaǵy qant baǵasyn 2025 jyldyń qyrkúıegine deıin turaqtandyrýǵa múmkindik beredi, - dep habarlady ákimdikten.
Aıta ketken jón, 2023 jyly qarashadan 2024 jyly tamyzǵa deıin «Almaty «ÁKK» AQ qalanyń saýda jelileri arqyly belgilengen satý baǵasy boıynsha 3 myń tonna kóleminde qant satty.
Eske salaıyq, buǵan deıin Almatyda 8 myń tonnadan astam kómir qory bar ekenin jazǵanbyz.
