Almatyda qansha qonaq úı bar
ALMATY. KAZINFORM – Almaty qalasynyń Týrızm basqarmasy megapolıstiń týrıstik ınfraqurylymy týraly derektermen bólisti.
Basqarma málimetine sáıkes, 2024 jyldyń 6 aıynyń qorytyndysy boıynsha Almatyda 365 qonaq úı, 11443 nómer jáne 22019 tósek-oryn bar. Onyń ishinde bes juldyzdy – 7, tórt juldyzdy – 15 jáne úsh juldyzdy – 3. Belgili bir sanatqa kirmeıtin qonaq úıler sany – 207, sondaı-aq basqa tıptegi (pansıonat, lager) 133 nysan bar.
Sonymen qatar qalalyq Týrızm basqarmasy bıyl elimizge birinshi jartyjyldyqta 222,8 myń týrıst kelse, onyń 122,8-i Almatyǵa jol tartqanyn habarlady. Megapolıske keletin negizgi sheteldik týrıster:
1. Reseı Federatsııasy – 35974
2. Qytaı Halyq Respýblıkasy – 15880
3. Úndistan – 15041
4. Túrkııa – 8677
5. Amerıka Qurama Shtattary – 4923
Eske salaıyq, buǵan deıin 2023 jyly sheteldik týrıster Qazaqstanda 2,3 mlrd dollar qaldyrǵanyn jazǵan edik.