Almatyda Kane Ýest kontserti bir kúnge shegerildi
ALMATY. KAZINFORM — Almatyda amerıkalyq ánshi, prodıýser YE kontserti erteńge aýystyryldy.
Kane Ýest nemese YE kontserti búgin, 14 tamyz saǵat 21:00–de ótýi tıis edi. Alaıda aýqymdy shoýdyń bastalýyna sanaýly mınýttar qalǵan kezde uıymdastyrýshylar kontsert 1 kúnge shegerilgenin habarlady. Bul sheshim qaýipsizdik maqsatynda qabyldanǵan.
Eske salaıyq, jankúıerler úshin Ortalyq stadıon esikteri saǵat 16:00–den bastap ashyldy. Kontsertke birneshe saǵat qalǵanda Almatyda qatty jaýyn-shashyn boldy.
Sondaı-aq búgin Almaty men Almaty oblysynyń basym bóliginde jaryq óshti.
Sonyń saldarynan Almatynyń barlyq qyzmetteri kúsheıtilgen rejımge kóshti.
