Almatyda qandaı kókónister arzandaıdy
ALMATY. KAZINFORM – Megapolıste kartop, sábiz, pııaz jáne qyryqqabat baǵasy turaqtalady. Bul týraly Almaty áleýmettik-kásipkerlik korporatsııasy málim etti.
«Almaty» ÁKK áleýmettik mańyzy bar azyq-túlik taýarlarynyń tórt pozıtsııasyn satyp alý boıynsha «Magnum Cash&Carry» kompanııasymen qaryz shartyn jasasty. Bul kelisimge sáıkes, kartop, sábiz, pııaz jáne qyryqqabat ónimderiniń baǵasy turaqtalady.
«Kókónis ónimderiniń baǵasyn turaqtandyrý 2024 jyldyń 1 qyrkúıeginen bastap 2025 jyldyń 30 sáýirine deıin júzege asyrylady», – dep atap ótti Almaty áleýmettik-kásipkerlik korporatsııasynan.
Jalpy kólemi 10 myń tonna áleýmettik mańyzy bar azyq-túlik satyp alynady. Kókónis ónimderi Almaty, Jambyl, Pavlodar jáne Túrkistan oblystarynyń taýar óndirýshilerinen satyp alynyp, kelisim boıynsha atalǵan saýda jelisi arqyly tómendetilgen bólshek baǵamen satylady. Bul rette satýshynyń saýda ústemesi 10%-dan aspaıdy.
