Almatyda kanal janyndaǵy bos ǵımarattan Qańtar oqıǵasynda urlanǵan qarý tabyldy
ALMATY. KAZINFORM — Almaty polıtsııa departamentiniń Ekstremızmge qarsy kúres basqarmasy men jedel tergeý toby jáne prokýratýranyń sotqa deıingi tergeý basqarmasy Qańtar oqıǵasynda joǵalǵan atys qarýyn tapty.
Vedomstvonyń málimetinshe, Almatynyń Jetisý aýdanynda Jansúgirov kóshesiniń boıyndaǵy Úlken Almaty kanalynyń janyndaǵy bos ǵımarattyń ishinde tegis uńǵyly 12 kalıbrli atys qarýy tabyldy. Tabylǵan atys qarýyn krımınaldyq jáne urlanǵan qarýlar bazasynan serııalyq nómirimen teksergen kezinde buryn joǵalyp ketkeni anyqtaldy.
Bul qarý 2022 jylǵy 5 qańtarda Qańtar oqıǵasy kezinde Almatydaǵy Seıfýllın kóshesindegi «Orýjeınık» dúkeninen joǵalǵan.
Atalǵan fakti boıynsha QR Qylmystyq kodeksiniń 287-babynyń 3-bóligimen qylmystyq is qozǵaldy.
Eske salaıyq, buǵan deıin Almaty oblysynda Qańtar oqıǵasy kezinde qarý urlaǵan kúdiktiler ustalǵanyn habarlaǵanbyz.