Almatyda kámeletke tolmaǵandarǵa qatysty kúdikke ilingen azamat ózine qol salmaq bolǵan
ALMATY.KAZINFORM — Almatyda jynystyq azǵyndyq jasady degen kúdikpen er adam ustaldy.
Almaty qalasynyń Alataý aýdandyq polıtsııasyna jergilikti turǵyndardan alańdatarlyq habarlama túsken. Olardyń aıtýynsha, asa tanys emes er adam qyzdaryna tıisken.
Er adamdy «Býran-127» patrýldik ekıpajy ustady. Sol kezde kúdiktige medıtsınalyq kómek qajet boldy.
Sebebi er adam qylmys jasaǵannan keıin adam ózine qol jumsaýǵa áreket jasap, dene jaraqatyn salǵan. Oqıǵa ornyna jedel járdem brıgadasy shaqyrylyp, oǵan qajetti medıtsınalyq kómek kórsetildi.
— Qazir atalǵan derek boıynsha tergeý júrgizilip jatyr. Oqıǵanyń barlyq mán-jaıy anyqtalyp jatyr, — dep málimdedi Almaty polıtsııa departamentiniń baspasóz qyzmeti.
Eske salaıyq, Almaty polıtsııasy smart-kózildiriktiń kómegimen izdeýde júrgen adamdy anyqtaǵan edi.