Almatyda qalyń qar jaýyp, kóktaıǵaq bolady
ALMATY. KAZINFORM – Almatyda 16 aqpan tańerteńnen 17 aqpan túnge deıin jaýyn jaýyp, arty qalyń qarǵa ulasady. Aýa temperatýrasy mınýs 20 gradýsqa deıin tómendeıdi.
«Qazgıdromet» RMK deregi boıynsha, 17 aqpan -14, túnge qaraı - 22 gradýsqa deıin tómendeıdi. Tuman túsip, jolda kóktaıǵaq bolady.
Almaty qalasynyń kommýnaldyq ınfraqurylymdy damytý basqarmasy atap ótkendeı, túngi ýaqytta kóktaıǵaqtyń aldyn alý maqsatynda dıslokatsııa oryndarynda 176 qum taratqyshtyń kezekshiligi josparlanǵan. Qar tazalaý jumystaryna barlyǵy 483 arnaıy tehnıka men 1180 jol jumysshysy jumyldyrylady.
«16 aqpanda qardy tazalaý jáne 17 aqpanda túngi kezeńde qardy jappaı syrtqa shyǵarý boıynsha arnaıy tehnıka kolonnalarynyń júrýine baılanysty avtokólikti jol jıekterine qoımaýdy suraımyz», - dep habarlady Almaty qalasynyń kommýnaldyq ınfraqurylymdy damytý basqarmasy.
