Almatyda qalyń qar: Áýejaıda reıster keshigip, kóshelerde keptelis paıda boldy

ALMATY. KAZINFORM — Almaty halyqaralyq áýejaıynda reıster keshigip jatyr.

Megapolıs áýejaıynyń onlaın tablosyna sáıkes, Almatydan Astanaǵa, Tbılısıge, Oralǵa, Aqtóbege, Aqtaýǵa, Atyraýǵa, Óskemenge, Shymkentke ushatyn reıs keshigip jatyr.

Sondaı-aq Astana, Dýbaı, Abý-Dabı, Qostanaı, Seýl, Tbılısıden ushyp keletin reısterde keshigýde.

Halyqaralyq áýejaıdyń baspasóz qyzmeti qolaısyz meteorologııalyq jaǵdaılarǵa baılanysty Almaty halyqaralyq áýejaıy 20 jeltoqsan saǵat 20:45-ten 23:00-ge deıin ushyp keletin reısterdi qabyldamaı almaıtynyn habarlaıdy.

Ushyp ketýshi reısterge meteorologııalyq jaǵdaıdyń jaqsarýyna qaraı qyzmet kórsetiletin bolady.

Qalyń qardyń túsýine baılanysty qalada kólik keptelisi 10 baldyq kórsetkishterge jetti. Ol týraly málimet 2GIS servısine shyqty.

Qala kósheleriniń basym bóligi, ásirese ál-Farabı, Abaı, Raıymbek, Nazarbaev dańǵyldary men Rysqulov kóshesi qyzyl tústi kórsetip tur.