Almatyda qaldyqtardy energetıkalyq kádege jaratý jobasy qolǵa alyndy
ASTANA. KAZINFORM - Qazaqstan Respýblıkasynyń Ekologııa jáne tabıǵı resýrstar mınıstri «Junxin Environmental Protection (Almaty)» kompanııasynyń ókilderimen kezdesý ótkizdi, dep habarlaıdy QR Ekologııa mınıstrliginiń baspasóz qyzmeti.
Kezdesý barysynda qaldyqtardy energetıkalyq kádege jaratý jobasynyń iske asyrylý barysy, sondaı-aq Qazaqstannyń basqa da áleýetti qalalarynda uqsas jobalardy iske asyrý máseleleri talqylandy.
Búgingi tańda barlyq qajetti sharttarǵa qol qoıylyp, qurylys-montajdaý jumystaryna (QMJ) daıyndyq jumystary bastaldy.
Eske sala keteıik, joba 2025 jyly jasalǵan Investıtsııalar týraly kelisim aıasynda iske asyrylyp jatyr jáne qaldyqtardy basqarýdyń zamanaýı ınfraqurylymyn damytýǵa jáne olardy energetıkalyq kádege jaratýǵa baǵyttalǵan.
-Mınıstrlik ınvestormen jobany súıemeldeý jáne ony belgilengen merzimderde iske asyrý boıynsha jumysty jalǵastyrýda,-delingen habarlamada.
Osyǵan deıin qaýipti qaldyqtardy zertteý men baqylaý kúsheıetini týraly jazdyq.
