Almatyda qalanyń qaq ortasynda drıft jasaǵan júrgizýshi 10 kúnge qamaldy
ALMATY. KAZINFORM - Jol erejesin buzǵan 31 jastaǵy júrgizýshi ustady.
Almaty qalasy Polıtsııa departamentiniń málimetinshe, «Leksýs» kóligin basqarǵan er adam Abaı dańǵyly men Jarokov kóshesiniń qıylysynda drıft jasap, jol qozǵalysynyń basqa qatysýshylaryna qaýip tóndirgen.
Ony Almaly aýdandyq polıtsııa basqarmasynyń qyzmetkerleri ustady.
Sot qaýlysymen quqyq buzýshy 10 táýlikke ákimshilik qamaqqa alyndy.
- Sońǵy kezde, ásirese, jas júrgizýshilerdiń jol qozǵalysy erejelerin óreskel buzý derekteri jıilep ketti. Mundaı áreketter tek zańsyz ǵana emes, sondaı-aq basqa jol qozǵalysyna qatysýshylardyń ómiri men densaýlyǵyna naqty qaýip tóndiredi. Mundaı derektiń barlyǵyna zań sheńberinde qatań túrde shara qoldanamyz. Zań men tártip - qaýipsiz ómirdiń negizi, – dedi Jergilikti polıtsııa qyzmeti basqarma bastyǵynyń orynbasary Tımýr Noǵaıbaev.
Eske salaıyq, buǵan deıin Almatyda kúzetshini kólikpen basyp óltirgen er adam 22 jylǵa sottalǵanyn jazǵanbyz.