Almatyda qalalyq aýrýhananyń janynan áıeldiń máıiti tabyldy

ALMATY. KAZINFORM – Áleýmettik jelide Almatynyń №1 qalalyq emhanasynyń janynda áıel adamnyń kıimsiz máıiti tabylǵany týraly aqparat tarady. 

Almaty qalasynyń Polıtsııa departamenti atalǵan faktini rastady.

- Zorlyq-zombylyqpen ólim belgileri joq adamnyń máıitin tabý faktisi boıynsha qylmystyq is qozǵaldy. Ólimniń sebebin anyqtaý maqsatynda sot-medıtsınalyq saraptama taǵaıyndaldy. Basqa jaǵdaılar belgilenedi, - dep habarlaıdy PD baspasóz qyzmeti.

Eske salaıyq, buǵan deıin Almatyda turǵyn úıdiń kireberisinde týysqanyn óltirgen áıel ustalǵany habarlanǵan bolatyn.