03:00, 16 Sáýir 2026 | GMT +5
Almatyda qala ortalyǵyndaǵy jazǵy dámhana buzyldy
ALMATY. KAZINFORM — Dostyq dańǵyly, 42/74 mekenjaıynda ornalasqan «Mıata» barynyń jazǵy terrasasy sot sheshimimen buzyldy.
Bul týraly Qala qurylysyn baqylaý basqarmasy ókilderi habarlady.
Vedomstvonyń málimetinshe, jospardan tys tekserý barysynda nysanda ruqsat qujattarynyń joqtyǵy anyqtalǵan. Osyǵan baılanysty menshik ıesine ákimshilik shara qoldanylyp, is sotta qaraldy.
— 2026 jyly 11 aqpanda Almaty sotynyń uıǵarymymen nysandy buzý týraly sheshim ózgerissiz qaldyryldy, — delingen habarlamada.
Sot sheshimin oryndaý maqsatynda menshik ıesi nysandy óz kúshimen buzdy.
Eske salaıyq, buǵan deıin Almatyda qurylysy aıaqtalmaǵan 5 qabatty ǵımarat buzylyp jatqanyn habarlaǵan edik.