Almatyda qala mańyna qatynaıtyn onynshy jańa baǵyt iske qosylady

Almatyda 16 jeltoqsanynan bastap B. Momyshuly metro stantsııasynan Áshekeev aýylyna qatynaıtyn №244 jańa qala mańy marshrýt iske qosylady, dep habarlaıdy Kazinform.

Marshrýttaǵy avtobýs sany – 13, qozǵalys aralyǵy – 13 mınýt. 

Aıta keteıik, bul osy jyly iske qosylǵan qala mańyna qatynaıtyn onynshy baǵyt. 

«Buǵan deıin 9 baǵyt iske qosylǵan edi. Atap aıtar bolsaq, №216 Dáýlet kenti – Almaty-1 temir jol vokzaly, №223 Týǵanbaı kenti – Nura kenti – Almaty-1 temir jol vokzaly, №232 Tuzdybastaý aýyly – Almaty-2 temir jol vokzaly, №233 Qaraoı – Saıahat, №234 Elaman – Altaı-1 shaǵyn aýdany (VAZ), №235 Isaev aýyly – Sálem bazary, №236 Qarǵaly – Tóle bı/ıAssaýı burylys alańy, №240 Batyr kenti – Adem-1saýda úıi jáne №247 Myńbaev aýyly – Tóle bı/ıAssaýı burylys alańy», - dep atap ótti ákimdikten. 

Byltyr qala ákiminiń orynbasary Asqar Amrın 2024 jylǵa qaraı halyqtyń jaılylyǵy úshin 30 jańa magıstraldyq qala mańy marshrýttary iske qosylatynyn aıtqan bolatyn.