Almatyda qala qurylysy basqarmasynyń burynǵy basshysyna qatysty sot otyrysy bastaldy
ALMATY. KAZINFORM - Almatynyń qala qurylysy basqarmasynyń burynǵy basshysy Almashan Ahmedjanovqa qatysty basty sot otyrysy bastaldy.
Іs qalalyq qylmystyq ister jónindegi mamandandyrylǵan aýdanaralyq sotynda sýdıa Mártpek Kákimjanovtyń tóraǵalyǵymen qaralyp jatyr.
Onda aıyptalýshy Almashan Ahmedjanovtan bólek, taǵy bes adam otyr, olardyń arasynda Almaty qalalyq jer qatynastary basqarmasynyń burynǵy basshysy Ardaq Samambetov te bar.
Sot otyrysy barysynda sýdıa taraptarǵa olardyń protsessýaldyq quqyqtary men mindetterin túsindirdi, odan keıin prokýrorlar birneshe epızodtan turatyn aıyptaý aktisin oqyp berdi.
Aıta keteıik, protsess zardap shekkenderdiń qatysýynsyz ótedi.
Eske salaıyq, byltyr shilde aıynda Sybaılas jemqorlyqqa qarsy qyzmet Almaty qala qurylysy basqarmasynyń burynǵy basshysynyń ustalǵany belgili boldy.
Vedomstvonyń málimetinshe, sheneýnik jer telimderin berý jáne nysandardyń qurylysyna ruqsat berý kezinde qyzmettik ókiletterin asyra paıdalandy degen kúdikke ilingen.
Máselen, ol jeke turǵyn úı qurylysyna arnalǵan jer ýchaskelerinde, nysanaly maqsatyna qaramastan jáne qurylystyń tyǵyzdyǵyn eskermeı, jekelegen qurylys kompanııalarynyń múddesi úshin 2020-2023 jyldary 3 kóppáterli turǵyn úı kesheniniń qurylysyn zańsyz kelisken.
Nátıjesinde memleketke 307 mln teńgeden astam somaǵa jer ýchaskeleriniń tólenbegen kadastrlyq quny túrinde zalal keldi.
Budan basqa, 2020 jyly medıtsınalyq ortalyq pen HQO-nyń qurylysyn zańsyz kelise otyryp (ınvestıtsııalyq jobalardy iske asyrý túrimen), múddeli tulǵalardyń jeke menshigine jer ýchaskelerin tómen quny boıynsha odan ári negizsiz berýge yqpal etti. Shyǵyn 180 mln teńge.
