Almatyda qala kúninde úshem dúnıege keldi

ALMATY. KAZINFORM – Qyrkúıektiń úshinshi jeksenbisinde Almatyda qala kúni atap ótildi.

Mereke kúni megapolıs perzenthanalarynda 69 sábı dúnıege esigin ashty. Onyń ishinde: 32 ul jáne 37 qyz. Qalanyń qoǵamdyq densaýlyq saqtaý basqarmasy náresteler men olardyń analary qazir ózderin jaqsy sezinip otyrǵanyn habarlady.

Sondaı-aq vedomstvo málimetinshe, Qalalyq perınataldyq ortalyqta úshem dúnıege keldi. Salmaǵy 1968 gramm jáne boıy 42 sm ul, salmaǵy 1648 gramm jáne boıy 40 sm qyz, salmaǵy 1699 gramm jáne boıy 41 sm bolatyn taǵy bir qyz ómirge keldi. Otbasy «Ańsaǵan sábı» EKU memlekettik qoldaý baǵdarlamasyna júgingen. Sábılerdiń anasy 30 jasta.

- Otaǵa saǵat tańǵy tórt bolǵanyna qaramastan, perınataldyq ortalyqtyń bilikti mamandar toby jedel jumyldyryldy. Dárigerlerdiń úılesimdi jumysynyń arqasynda kesir tiligi sátti ótti. Sábıler birden jańa týǵan nárestelerdiń jansaqtaý bóliminde kómek aldy, sodan keıin patologııa bólimine aýystyryldy, - dep habarlady basqarmadan.

Eske salaıyq, buǵan deıin úshemderi bar otbasylar qaı óńirlerde kóp tirkelgenin jazǵanbyz.