Almatyda qala kúni toılanyp jatyr
ALMATY. KAZINFORM - Qyrkúıektiń úshinshi jeksenbisi, ıaǵnı búgin almatylyqtar qala kúnin toılap jatyr. Megapolıs merekesine oraı qala turǵyndary men qonaqtary úshin úlken baǵdarlama josparlanǵan.
Arbat aýmaǵynda kúni boıy «Týǵan kúnim, Almatym» festıvali ótedi. Onda almatylyqtar sýretshiler kórmesine, qolónershiler jármeńkesine, sheberlik sabaǵyna jáne basqa da is-sharalarǵa qatysa alady.
Sonymen qatar, munda jyl saıynǵy Kitap Fest festıvali ótip jatyr.
Sondaı-aq Tuńǵysh Prezıdent atyndaǵy saıabaqta jyl saıynǵy «Alma Fest» festıvali bastaldy.
Saıabaqtaǵy basty sahnada saǵat 14:30-dan bastap Roza Rymbaeva men Almaty ákiminiń estradalyq-sımfonııalyq orkestri óner kórsetedi.
Saǵat 17:00-de Astana alańynda qazaqstandyq estrada juldyzdarynyń qatysýymen Almaty Cover Show bastalady.
Sahnada Naǵıma Esqalıeva, Meırambek Besbaev, Kalifarniya, RaiM, Nurlan men Murat, ARO, Erbolat Qudaıbergen, Qaırat Týntekov jáne basqa da ánshiler óner kórsetedi.
Qala kúni keshke «Kóktóbe» telemunarasynda quttyqtaý shamdarynyń qosylýymen qorytyndylanady.
Eske salaıyq, Almatyda qala kúni qarsańynda 130 tonna qoqys jınaldy.
