Almaty ákiminiń burynǵy orynbasary Erjan Babaqumarovty óltirip ketti

ASTANA. KAZINFORM — Almaty qalasy ákiminiń burynǵy orynbasary Erjan Babaqumarov kisi qolynan mert boldy.

Agenttik derekkózi málimetine qaraǵanda, qaıǵyly oqıǵa 30 qazan kúni túnde oryn alǵan. Sol túni Erjan Babaqumarov tanystarynyń ortasynda bolǵan. Tanystar arasynda kıkiljiń týyp, arty tóbeleske ulasqan. Sol kezde jaraqat alǵan eks-sheneýnik mert bolǵan.

Kazinform derekkóziniń naqtylaýynsha, kúdikti ustalyp, ýaqytsha oqshaýlaǵyshqa qamaldy.

Agenttik redaktsııasy oqıǵany jiti nazarynda ustaıdy.

Qaıǵyly oqıǵany Astana qalalyq polıtsııasy da rastap, kisi ólimi boıynsha qylmystyq is qozǵalǵanyn málimdedi.

- Burynnan tanystar arasynda kelispeýshilik oryn alyp, tóbeleske ulasqan. Sonyń saldarynan jaraqat alǵan 56 jastaǵy er adam qaza boldy. Kúdikti ustalyp, ýaqytsha oqshaýlaǵyshqa qamaldy. Sotqa deıingi tergep-tekserý júrip jatyr, - dedi departametten.

Osyǵan deıin Pavlodarda aýyr qylmys jasaǵan eki er adam sottalǵany týraly jazdyq.