Almatyda kafeniń jazǵy alańy opyrylyp tústi
Áleýmettik jelide kafeniń jazǵy alańynyń transheıaǵa opyrylyp túsken vıdeosy tarady, dep habarlaıdy QazAqparat tilshisi.
Almaty ákimdiginiń baspasóz qyzmeti jelide taraǵan vıdeoǵa túsinik berdi.
«Bul vıdeo eski, ıaǵnı oqıǵa 16 qyrkúıek kúni bolǵan. Bul jaǵdaıǵa baılanysty buqaralyq aqparat quraldarynda relız jarııalanǵan bolatyn» — dep túsindirdi ákimdikten.
Eske salaıyq, Almaty qalasynyń Bostandyq aýdanyndaǵy Esqaraev kóshesinde jylý trassasyn qaıta jańartý kezinde transheıaǵa topyraq opyrylyp túsken edi.
Saldarynan jergilikti kafeniń jazǵy alańyna ishinara zııan keldi.
Bul merdiger uıymnyń tehnologııalyq normalardy saqtamaýy saldarynan boldy.
«Qulaǵan jer qabaty jaqyn mańdaǵy úılerge elektr qýatyn beretin kabelderdi zaqymdady. Jaryq sol kúni qalpyna keltirildi. Oqıǵanyń saldaryn joıý barysy baqylaýda. Tótenshe jaǵdaıdyń týyndaýyna jol bergen merdigerge qatysty zańǵa sáıkes sharalar qabyldanatyn bolady. Jańa qubyr tartý jumystary jalǵasyp jatyr. Bul jylytý maýsymynda tutynýshylardy jylýmen qamtýǵa áser etpeıdi», — dep atap ótti ákimdiktiń baspasóz qyzmetinen.
