Almatyda kabeldik shahtadaǵy órtke baılanysty jedel shtab quryldy
ASTANA. KAZINFORM — Almaty qalasynyń Almaly aýdanynda órt joǵary shaqyrý deńgeıi boıynsha sóndirilip jatyr, dep habarlaıdy QR TJM baspasóz qyzmeti.
Aldyn ala málimet boıynsha, Ádı Sháripov kóshesinde ornalasqan ǵımarattaǵy kabeldik shahtada órt shyqqan.
Oqıǵa ornyna jedel qyzmetter jiberildi. Barlaý jumystary barysynda gaz-tútinnen qorǵaý qyzmetiniń mamandary adamdardy evakýatsııalaý jáne qutqarý jumystaryn júrgizip jatyr.
Órttiń naqty shyǵý oshaǵyn anyqtaý úshin jylý túsirgishter qoldanylýda. Oqıǵa ornynda órtti sóndirý jónindegi jedel shtab quryldy.
— Qazirgi ýaqytta adamdardy evakýatsııalaý jáne qutqarý jumystary jalǵasyp jatyr. Oqıǵanyń mán-jaıy naqtylanýda, — delingen habarlamada.
Qabyldanǵan sharalar nátıjesinde órt oqshaýlandy Órtti sóndirý jumystary jalǵasady.
Buǵan deıin Qazaqstanda bir táýlikte eki orman órti tirkelgenin jazǵanbyz.
