Almatyda Qabdesh Jumadilovtiń 90 jyldyǵyna arnalǵan eske alý keshi ótti
ALMATY.KAZINFORM - QR Ulttyq kitaphanasynda Qazaqstannyń halyq jazýshysy Qabdesh Jumadilovtiń 90 jyldyǵyna arnalǵan eske alý keshi ótti. Bul týraly Mádenıet jáne aqparat mınıstrligi habarlady.
Іs-sharaǵa aqyn-jazýshylar, memleket jáne qoǵam qaıratkerleri, zııaly qaýym ókilderi qatysty.
Kesh aıasynda «Qabdesh Jumadilov. Bıblıografııalyq kórsetkish» atty basylymnyń tanystyrylymy ótti. Jınaqqa qalamgerdiń shyǵarmalary men túrli jarııalanymdary toptastyrylǵan.
Qatysýshylar jazýshynyń qazaq ádebıeti men ult rýhanııatynyń damýyna qosqan úlesin erekshe atap ótti.
Sonymen qatar jazýshynyń shyǵarmashylyq jolynan syr shertetin aýqymdy ádebı kórme kópshilik nazaryna usynyldy.
Halyq jazýshysy, qoǵam qaıratkeri Qabdesh Jumadilovtiń 90 jyldyq mereıtoıyna oraı 84 is-shara uıymdastyrylady. Bul jaıynda Májilis depýtattarynyń saýalyna jaýap bergen Premer-Mınıstrdiń orynbasary Ermek Kósherbaev aıtty.
