Almatyda Qabanbaı batyr, Ulyqbek jáne Markov kósheleriniń bóligi jabylady

ALMATY. KAZINFORM – Almatynyń birneshe kóshesinde kólik qozǵalysy shekteledi.

«Almaty jylý júıesi» JShS málimetinshe, Almatyda 1983 jylǵy qubyrdy aýystyrýǵa baılanysty Markov kóshesiniń bir bóliginde qozǵalys úsh kúnge shekteledi. 

Atap aıtqanda, 1 tamyz saǵat 11:00 bastap 4 tamyz saǵat 07:00 deıin Markov kóshesi men Buqar Jyraý býlvarynyń qıylysynda kólik qozǵalysy ýaqytsha jabylady. Jańartý jumystaryn júrgizý kezinde tutynýshylarǵa ystyq sý berý toqtatylmaıdy.

Odan bólek Ulyqbek kóshesiniń bir bóliginde ortasha jóndeý jumystaryna baılanysty kólik qozǵalysyna ýaqytsha shekteý engiziledi. 31 shilde kúni saǵat 21:00-den 1 tamyz kúni saǵat 07:00-ge deıin Momyshuly kóshesinen Saın kóshesine deıingi aralyqta qozǵalys tolyqtaı jabylady.

Sonymen qatar Almaty ákimdigi Qabanbaı batyr kóshesiniń bir bóliginde ortasha jóndeý jumystaryna baılanysty kólik qozǵalysyna ýaqytsha shekteý qoıylatynyn habarlady.

31 shilde kúni saǵat 22:00-den 1 tamyz saǵat 06:00-ge deıin Qasteev kóshesinen Qaldaıaqov kóshesine deıingi aralyqta Qabanbaı batyr kóshesi jabylady.

Eske salaıyq, buǵan deıin Almatyda Pýshkın kóshesiniń bóligi jaıaý júrginshiler alleıasyna aınalatynyn jazǵanbyz.