Almatyda «Jas Gala» festıvaliniń jeńimpazdary marapattaldy
ALMATY. KAZINFORM – Almaty qalasy Jastar saıasaty basqarmasynyń qoldaýymen qala jastary arasynda «Jas Gala» jastar festıvali ótti. Festıval jeńimpazdaryn marapattaý rásimi “Alataý” teatrynda uıymdastyryldy.
Bir aıǵa sozylǵan festıvalde qatysýshylar vokal, horeografııa, mobılografııa, aspaptyq oryndaý, teatr baǵyttary boıynsha baq synaǵan. Jalpy jobaǵa 2,5 myńnan astam stýdent qatysty.
- «Jas Gala» festıvali Almaty qalasynda úshinshi ret uıymdastyrylyp otyr. Oǵan qaladaǵy barlyq JOO-lar men kolledjderdiń stýdentteri qatysty. Naqty aıtqanda, 30 JOO jáne 23 kolledjden 529 ótinim kelip tústi. Festıvaldiń júlde qory – 7 500 000 teńgeni qurady. Festıvalge qatysý úshin aldymen ýnıversıtet jáne kolledj ishinde irikteý boldy. Onyń jeńimpazdary qalalyq jarysqa qatysty”, - dedi Almaty stýdentter alıansynyń basshysy Jasulan Qýandyq.
