Almatyda ıtti kólikten súıregen júrgizýshige is qozǵaldy

ALMATY. KAZINFORM – Áleýmettik jelide ıtke qatygezdik jasalǵany týraly beınejazba tarady.

Onda janýardyń kólikke baılanǵanyn jáne qansyrap jatqanyn kórýge bolady. Almaty qalasynyń polıtsııasy atalǵan derek boıynsha tekserý júrgizip, kólik quralynyń ıesi anyqtalǵanyn habarlady.

- Ol janýarlarǵa qatygezdik kórsetý faktisi boıynsha mindetti túrde ákimshilik jaýapkershilikke tartylady. Almaty qalasy Polıtsııa departamenti janýarlarǵa qatysty zorlyq-zombylyqtyń kez kelgen deregi zańnamada belgilengen tártippen tirkelip, jan-jaqty qaralatynyn eske salady. Azamattardyń barlyq ótinishteri nazarǵa alynyp, quqyq buzýshylar qoldanystaǵy zań talaptaryna sáıkes jaýapkershilikke tartylady, - delingen málimdemede.

Eske salaıyq, 2022 jyldan bastap elimizde «Janýarlarǵa jaýapkershilikpen qaraý týraly» zań kúshine endi.