Almatyda ınvestor 1,8 mlrd teńgelik jobaǵa bólingen jerdi óz atyna rásimdeı almaı kelgen
ALMATY. KAZINFORM – Almaty qalasynyń prokýratýrasy 1,824 mlrd teńgelik ınvestıtsııalyq jobany júzege asyratyn kásipkerdiń jer ýchaskesine menshik quqyǵyn rásimdeýine kómektesti.
Qadaǵalaý organynyń málimetinshe, «HC» JShS ınvestory ınvestıtsııalyq joba aıasynda berilgen jer ýchaskesine uzaq ýaqyt boıy jeke menshik quqyǵyn rásimdeı almaǵan.
Atalǵan joba sheńberinde 150 jańa jumys ornyn ashý josparlanǵan.
– Qadaǵalaý organynyń aralasýynan keıin ǵana ınvestor óz quqyǵyn rásimdedi. Qabyldanǵan sharalar ákimshilik kedergilerdi joıýǵa jáne ınvestordyń zańdy múddelerin qorǵaýdy qamtamasyz etýge múmkindik berdi, – dep habarlady Almaty qalasynyń prokýratýrasy.
Prokýratýranyń aralasýynan keıin jer ýchaskesine menshik quqyǵyn rásimdeýge kedergi keltirgen máseleler sheshildi.
Almaty qalasynyń prokýratýrasy ınvestıtsııalyq jobalardy súıemeldeý jáne qolaıly ınvestıtsııalyq ahýal qalyptastyrý baǵytyndaǵy jumystardy jalǵastyryp jatyr.
Aıta keteıik, buǵan deıin Almatyda prokýratýranyń aralasýymen quny 32,5 mlrd teńge bolatyn «Zhetysu» kólik-logıstıkalyq ortalyǵynyń qurylysyna kedergi keltirgen jer máselesi sheshilgen edi.
