Almatyda ıntım qyzmet kórsetken stýdııa áshkere boldy
ALMATY. KAZINFORM — Almatyda polıtsııa departamentiniń uıymdasqan qylmysqa qarsy kúres basqarmasy elıtalyq turǵyn úı kesheninde jumys istep turǵan stýdııany áshkereledi.
Polıtsııanyń málimetinshe, ǵımaratta arsyzdyqqa ıtermeleıtin qyzmetter kórsetilgen. Zańsyz qyzmetpen aınalysqan áıel jaýapqa tartyldy.
Sondaı-aq páter ıesi anyqtalyp, zańǵa sáıkes tıisti sharalar qabyldanyp jatyr.
— Mundaı derekter turaqty túrde anyqtalyp, jolyn kesý jumystary júrgiziledi. Bizdiń mindetimiz — qoǵamdyq moraldy qorǵaý jáne osy saladaǵy quqyq buzýshylyqtardyń aldyn alý, — dedi Almaty Polıtsııa departamenti uıymdasqan qylmysqa qarsy kúres basqarmasynyń bastyǵy Janat Nurǵalıev.
Eske salaıyq, buǵan deıin Almaty polıtsııasy «Manhetten», «Aqbulaq» jáne «Káýsar» turǵyn úı keshenderinde jynystyq qyzmet kórsetetin jezóksheler úıleri men zańsyz jumys isteıtin salondardy anyqtaǵan edi.