Almatyda ınternet-alaıaqtyq úshin satyp alynǵan SIM-kartalar tárkilendi

ALMATY. KAZINFORM – Almaty qalasynyń polıtseıleri jedel-izdestirý is-sharalary barysynda júzdegen SIM-karta men mobıldi qurylǵylardy jappaı satyp alǵan áıeldi ustady. 

— Belgili bolǵandaı, bul qoldanylǵan qurylǵylar alaıaqtardyń anonımdi áreket etýine múmkindik bergen. Olar ózin memlekettik organ nemese bank qyzmetkeri retinde tanystyryp, azamattardy aldaǵan. Ustalǵan áıel «jeńil tabys» týraly habarlamaǵa jaýap berip, syıaqy úshin júzdegen abonenttik nómirdi óz atyna rásimdegenin moıyndady, — deıdi Almaty qalalyq PD kıberqylmyspen kúres basqarmasynyń bastyǵy Ánes Qaldybaev.

Dál osy nómirler arqyly birneshe qylmystyq iske qatysy bar qońyraýlar jasalǵany anyqtaldy.

— SIM-kartalar, poshtalar, bank jáne messendjer akkaýnttarymen baılanysty kez kelgen «úıden jumys» usynatyn habarlamalar — bul joǵary qaýiptilik belgisi. Adam mundaı áreketter arqyly óz erkinen tys qylmystyq áreketke aralasyp ketýi múmkin. Sondyqtan mundaı usynystarǵa saqtyqpen qarap, artynda qandaı maqsat turǵanyn tereń oılaǵan jón, — dedi ol.

Osyǵan deıin ІІM qazaqstandyqtarǵa alaıaqtyqtyń jańa túrine baılanysty úndeý jasaǵan bolatyn.