Almatyda Hmelnıtskıı kóshesin uzartý jumystary qashan bastalady

ALMATY. KAZINFORM — Almatyda taǵy bir kóshe uzarady. Qazir jer ýchaskelerin satyp alý jumystary júrip jatyr. Bul týraly Erbolat Dosaev Túrksib aýdany turǵyndarymen kezdesýinde aıtty.

— Jer ýchaskelerin satyp alǵannan keıin bıyl Hmelnıtskıı kóshesin Qaırat shaǵyn aýdanynan Talǵar tas jolyna deıin uzartyp salýdy bastaý josparda,— dedi shahar basshysy. 

Budan bólek,osy jyldyń mamyr aıynda Jas Qanat shaǵyn aýdanyndaǵy 19 kóshede 3,5 km jańa jol qurylysy qolǵa alynady. 

— Jumystardy 2025 jyldyń maýsym aıynyń sońyna deıin aıaqtaımyz. Sonymen qatar, bıyl tamyz aıynda Erjanov kóshesiniń boıyndaǵy temirjol jol arqyly ótpeli kópirdiń qurylysyn aıaqtaýdy josparlap otyrmyz,— dedi ErbolatDosaev.

Aıta keteıik, Hmelnıtskıı kóshesin Talǵar tasjolyna deıin uzaratý jobasy qalanyń 2040 jylǵa deıingi bas josparynda bekitilgen. 

Buǵan deıin Almatyda alty magıstraldy kóshe uzartylatyny týraly jazǵan edik.