Almatyda halyqaralyq XVII «Eýrazııa» kınofestıvali ótedi

ALMATY. KAZINFORM - Halyqaralyq «Eýrazııa» kınofestıvali 2024 jyldyń 24-30 qarasha aralyǵynda Almatyda ótedi. Festıvalge 15-ten astam el qatysady.

Kınofestıvaldi QR Mádenıet jáne aqparat mınıstrligi men Sháken Aımanov atyndaǵy «Qazaqfılm» ulttyq kınostýdııasy uıymdastyryp jatyr.

Osy jyly konkýrs baǵdarlamasynda úsh qurlyqtan kelgen 12 fılm usynylady. Qatysýshylary sanalýan, aýqymy keń festıvalde usynylǵan fılmder túrli mádenıetter men kózqarastardyń baı palıtrasyn kórsetedi. Konkýrs Bangladesh pen Ońtústik Koreıadan bastap, Avstrııa men Katarǵa deıingi elderdiń týyndylaryn qamtıdy. Eýropa, Azııa jáne Taıaý Shyǵystan kelgen shyǵarmashylyq toptar ámbebap taqyryptar men jergilikti kontekstti biriktiretin jumystardy usynbaq.

2024 jyly «Eýrazııa» tek fılmder festıvali ǵana emes, kıno álemine saıahat bolmaq. Іs-shara kórermender men qatysýshylarǵa umytylmas áser syılap, jańa múmkindikter ashady.

Baıqaýda baq synaıtyn árbir jumystyń ózindik kórkemdik oıy bar.

Kınofestıvaldiń tolyq baǵdarlamasymen silteme arqyly tanysa alasyz.