Almatyda halyqaralyq reısterge tek sheteldik avıaotyn qoldanylady — jaǵdaı ózgere me

ALMATY. KAZINFORM — Bul týraly Almaty halyqaralyq áýejaıynyń prezıdenti Goker Kose aıtty.

Ol áýejaıda otandyq avıaotyn jetispeýshiligi bar ekenin rastady. Aıtýynsha, bul máseleni aldaǵy ýaqytta sheshý josparlanyp otyr.

— Qazaqstanda óndirilgen janar-jaǵarmaı tek ishki reısterge qoldanylady. Biz halyqaralyq reısterdi jergilikti avıaotynmen qamtamasyz ete almaımyz. Shetelge ushatyn áýe kemelerine biz reseılik ónimdi paıdalanamyz. Bolashaqta Qazaqstan bıligimen birge bul máseleni sheshemiz dep úmittenemiz. Birinshiden, jergilikti avıaotyn kólemin ulǵaıtý máselesi tur, — dedi Goker Kose.

Foto: Almaty áýejaıy

Eske salaıyq, buǵan deıin Qazaqstanda ekologııalyq avıaotyn óndiretin zaýyt salynatynyn jazǵanbyz.