Almatyda halyqaralyq Almaty Food Fest 2024 gastro-festıvali ótedi
ALMATY. KAZINFORM – Elimizdiń ońtústik astanasynda úshinshi ret Almaty Food Fest 2024 gastro-festıvali uıymdastyrylady. Bul týraly Almaty qalasy Týrızm basqarmasynyń basshysy Ǵalııa Toqseıitova aıtty.
- Gastronomııalyq festıval 24-25 tamyz kúnderi Abaı alańynda ótedi. Іs-shara barysynda mádenı-aspazdyq baıqaýlar, utys oıyndary bolady, tanymal estarada juldyzdary óner kórsetedi. Festıvalge Qytaı, Iran, Pákistan, Qyrǵyzstan, Tájikstan, Belarýs, Reseı jáne Qazaqstannyń aspazdary qatysady. Іs-shara maqsaty - Almatyny álemdik jetekshi gastronomııalyq ortalyqtardyń biri retinde tanytý. Ár halyqtyń ashanasy - onyń jany, tarıhy jáne dástúri. Búgingi týrıst basqa eldiń mádenıetimen sol eldiń taǵamdary arqyly tanysady, - dedi basqarma basshysy.
Sondaı-aq Ǵalııa Toqseıitova festıval kezinde Almatynyń birqatar meıramhanalarynda alma qosylǵan arnaıy mázir usynylatynyn atap ótti.
Al Mıshlen juldyzynyń ıegeri, frantsýz aspazy Jerom Kýstııas Almatydaǵy aspazdyq óner týraly pikir bildirdi.
- Meniń azpazdyqpen aınalysqanyma 40 jyl boldy. Óz tájirıbemmen osy is-shara aıasynda sizdermen bólise alamyn dep úmittenemin. Almatyǵa alǵash ret 12 jyl buryn kelgenmin. Sol ýaqyttan beri qala da, mundaǵy aspazdyq óner de aıtarlyqtaı ózgergen. Shahardyń áleýeti óte úlken. Meniń jeke pikirimshe, Almatyda keminde 3 meıramhana Mıshlen juldyzyn ala alady, - dedi Jerom Kýstııas.
Eske salaıyq, buǵan deıin Mıshlen juldyzynyń ıegeri Jerom Kýstııaspen eksklıýzıvti suhbatty jarııalanǵan bolatynbyz.
