Almatyda halyqaralyq alma kúni atalyp ótti
ALMATY. KAZINFORM- 21 qazan - Halyqaralyq alma kúni. Osyǵan oraı Prezıdent Іs basqarmasyna qarasty «Almaty Resort» shıpajaıynda dástúrli alma festıvali ótti.
Merekeni tamashalaýǵa kelgen kópshilikke aspazdyń qııalynan týǵan almadan jasalǵan túrli dám usynylyp, dastarhan jaıyldy.
«Búgingi kúnniń ereksheligi barlyq taǵam alma jemisinen daıyndaldy. Bári tabıǵı ónim, eshqandaı qospasyz ázirledik. Munda almanyń ár sortyn qoldandyq. Shyryn da tabıǵı. Kelýshilerge bári tegin.12 aspazdyń qolynan shyqqan dám», - deıdi aspazshy Tolqyn Rajan.
Shıpajaı dırektorynyń aıtýynsha, alma merekesin ótkizýdiń maqsaty- demalýshylar men kelýshilerge kóterinki kóńil-kúı syılaý. Sondaı-aq jemis tarıhyn nasıhattaý.
«Halyqaralyq alma kúnine oraı bizdiń aspaz qyz-jigitter arnaıy retsept boıynsha jańa pisken almadan 1000 portsııa kondıterlik ónim daıyndady. Merekeniń erekshe bezendirilýi alma murajaıynyń ınstallıatsııasy, is-sharanyń ár buryshy almanyń baı tarıhy men aımaq mádenıeti týraly baıandap tur. Bul mereke bıyl ekinshi ret uıymdastyrylyp otyr. Muny dástúrge aınaldyrmaqpyz», — deıdi shıpajaı dırektory Gúljanat Buǵybaeva.
Іs-sharaǵa estrada juldyzdary da qatysyp, merekeniń kórkin qyzdyrdy.
