Almatyda granıt plıtalardy urlaý deregi boıynsha qylmystyq is qozǵaldy

ALMATY. KAZINFORM – Úlken Almaty ózeniniń jaǵalaýynda granıt plıtalardyń alynyp, jeke aýmaqqa tasymaldanýyna baılanysty tekseris júrgiziledi.

Áleýmettik jelide túngi ýaqytta qaladaǵy granıt plıtalardyń qulyptas ázirleıtin tsehke tasymaldanyp jatqany týraly beınejazba jarııalandy.

Almaty qalasynyń polıtsııa departamenti bótenniń múlkin urlaý deregi boıynsha Bostandyq aýdandyq polıtsııa basqarmasy qylmystyq is qozǵanyn habarlady.

- Qylmysty ashýǵa jáne kináli adamdardy jaýapqa tartýǵa baǵyttalǵan jedel jáne tergeý sharalary júrgizilip jatyr, - dep habarlady departamentten.

Eske salaıyq, buǵan deıin Almatyda jol jabyny opyrylyp, 13 avtokólik zaqymdanǵanyn jazǵanbyz.