Almatyda gazelge soqtyǵysqan moped júrgizýshisi qaıtys boldy

ALMATY. KAZINFORM – Almatynyń Alataý aýdanynda moped men gazel soqtyǵysyp, saldarynan moped júrgizýshisi mert boldy. Jol-kólik oqıǵasyna baılanysty Almaty qalasynyń polıtsııasy qylmystyq is qozǵady. 

Oqıǵa búgin 13:30-da Raıymbek jáne Momyshuly kósheleriniń qıylysynda bolǵan. Zardap shekken moped júrgizýshisi emhanaǵa jetkizilgen. Alaıda aýyr jaraqattan emhana qabyrǵasynda jan tapsyrǵan.

– Moped júrgizýshisi Raıymbek dańǵylymen batys baǵytta júrip kele jatyp, Momyshuly kóshesiniń qıylysynda gazel markaly kólikpen soqtyǵysty. Jaraqat alǵan moped júrgizýshisi aýrýhana jatqyzyldy. Ókinishke qaraı ol medıtsınalyq mekemede qaıtys boldy. Adam ólimine ákep soqqan jol-kólik oqıǵasy faktisi boıynsha qylmystyq is qozǵaldy, tıisti saraptamalar taǵaıyndaldy, - dep habarlady PD.

Eske salaıyq, buǵan deıin Almatyda jaıaý júrginshini qaǵyp, oqıǵa ornynan qashyp ketken moped júrgizýshisi ustalǵanyn jazǵanbyz.