Almatyda gaz qubyryn aýystyrýǵa baılanysty Ál-Farabı dańǵylynda qozǵalys shekteledi
ALMATY. KAZINFORM – Almatyda strategııalyq mańyzy bar gaz qubyry jańǵyrtylady.
«QazaqQaz Aimaq» AQ Almaty óndiristik fılıalynyń málimetinshe, maýsym aıynda Medeý jáne Bostandyq aýdandarynda orta qysymdy jerasty gaz qubyryn qaıta jańǵyrtý jumystary bastalady. Joba 17 myń páter men 288 jeke turǵyn úıdi gazben qamtý senimdiligin arttyrýǵa baǵyttalǵan. Osyǵan baılanysty Ál-Farabı dańǵylynyń jekelegen ýchaskelerinde avtokólik qozǵalysyna ishinara shekteý engiziledi.
- Jańǵyrtý jumystary Lýganskıı kóshesinen Ál-Farabı dańǵylynyń soltústik jaǵy boıymen Qarataev kóshesine deıingi uzyndyǵy 1154 metr ýchaskeni qamtıdy. Júrgizýshilerge baǵyttaryn aldyn ala josparlap, balama joldardy paıdalanýǵa keńes beriledi, - dep habarlady «QazaqQaz Aimaq» AQ Almaty fılıaly.
Ár ýchaskedegi shekteýler 13, 20, 34 kún aralyǵynda bolady.
Eske salaıyq, buǵan deıin Almatyda Ál-Farabı dańǵyly men Meńdiqulov kóshesiniń qıylysynda gaz qubyry jańǵyrtyldy.
