Almatyda gaz qubyry jarylysynan eki adam zardap shekken

ALMATY. KAZINFORM — Almatyda jerasty gaz qubyry jarylyp, jeńil kólikte otyrǵan eki adam zardap shekti.

Almaty qalasy Qoǵamdyq densaýlyq saqtaý basqarmasynyń málimetinshe, zardap shekken azamattar Ortalyq qalalyq klınıkalyq aýrýhanaǵa jetkizilgen.

— Barlyq qajetti tekserýlerden keıin olarǵa jumsaq tinderdiń kógerýi dıagnozy qoıyldy. Naýqastardyń jaǵdaıy turaqty, aýrýhanaǵa jatqyzýdyń qajeti joq. Tekserýden keıin olar ambýlatorııalyq emdeýge jiberiledi, — dep habarlady Qoǵamdyq densaýlyq saqtaý basqarmasynan.

Eske salaıyq, búgin Almaty qalasynda Baızaqov jáne Buhar jyraý kósheleriniń qıylysynda gaz qubyry jaryldy.