Almatyda gashısh saqtaǵan kúdikti qamaýǵa alyndy

ALMATY. KAZINFORM – Almaty qalasy polıtsııa departamentiniń ekstremızmge qarsy is-qımyl basqarmasy jedel aqparatty tekserý barysynda esirtki quraldaryn zańsyz saqtady degen kúdikpen er adamdy ustady. Bul týraly Polisia.kz habarlady.

Esirtki zattaryn saqtaý nemese taratý faktileri óreskel qylmysqa jatady.

– Bizdiń mindetimiz – mundaı quqyq buzýshylyqtardy erte kezeńde anyqtap, kúdiktilerdi oqshaýlaý arqyly qala turǵyndaryna kelýi múmkin qaýiptiń aldyn alý. Polıtsııa Almaty kóshelerinde qaýipsizdikti qamtamasyz etý baǵytynda júıeli jumys júrgizip keledi, - dedi Almaty qalasy PD ekstremızmge qarsy is-qımyl basqarmasy bastyǵynyń mindetin atqarýshy Darhan Ábiqulov.

Tekserý barysynda kúdiktiden ósimdik tektes esirtki – gashısh tárkilendi. Atalǵan zatqa tıisti saraptama taǵaıyndaldy. Er adam tergeý amaldaryn júrgizý úshin polıtsııa bólimine jetkizilip, ýaqytsha ustaý ızolıatoryna qamaldy.

Polıtsııa azamattardy esirtkige qatysty kez kelgen kúmándi áreketter týraly dereý habar berýge shaqyrady jáne mundaı zattardy saqtaý men taratý qylmystyq jaýapkershilikke ákeletinin eske salady.

Eske sala keteıik, buǵan deıin Almatyda bıyl esirtki qylmysyna qatysy bar 28 sheteldik jaýapqa tartylǵanyn jazǵan edik.