Almatyda gashısh pen marıhýana óndirgen esirtki prıtony joıyldy
ALMATY. KAZINFORM – Almaty polıtsııasy gashısh pen marıhýana jasalatyn esirtki prıtonyn joıdy.
Esirtki qylmysyna qarsy kúres basqarmasynyń málimetinshe, esirtki prıtony Jetisý shaǵyn aýdanyndaǵy turǵyn úıde bolǵan.
– Úı ıesi men onyń qasyndaǵylardyń turǵylyqty jerin tintý kezinde polıetılen baılamdary, ósimdik tektes zaty bar sirińke qoraptary, elektrondy tarazylar tabyldy jáne tárkilendi. Ustalǵandar gashısh pen marıhýanany jeke paıdalaný úshin saqtaǵandaryn aıtty. Tárkilengen zattardyń shyǵý tegi men ıesin anyqtaý maqsatynda sot-hımııalyq saraptama taǵaıyndaldy. Esirtki zattardy tutyný jáne zańsyz saqtaý úshin oryn uıymdastyrý derekteri boıynsha sotqa deıingi tergeý amaldary júrgizilip jatyr. Kúdiktiler ýaqytsha ustaý ızolıatoryna qamaldy, – dedi Almaty qalalyq polıtsııa departamenti bastyǵynyń orynbasary Qýatbek Naýatov.
Almaty qalasynyń polıtsııa departamenti QR QK-niń 201-babyna sáıkes ózge aqparat tergeý múddesine oraı jarııa etilmeıtinin habarlady.
