Almatyda gandboldan áıelder arasynda Azııa chempıonaty ótedi
ASTANA. KAZINFORM — 23 qarasha men 3 jeltoqsan aralyǵynda Almatyda áıelder quramalary arasynda gandboldan Azııa chempıonaty ótedi.
Qurlyq birinshiligi 2027 jylǵy álem chempıonatyna irikteý bolmaq. Týrnır qorytyndysy boıynsha úzdik tórt komanda Vengrııada ótetin álem chempıonatyna joldama alady.
Jarysqa on ulttyq qurama qatysady.
Jerebe qorytyndysy boıynsha Qazaqstan quramasy V tobyna tústi. Bul topta Ońtústik Koreıa, Úndistan, Aýstralııa jáne Ózbekstan quramalary bar. Al Japonııa, Iran, Qytaı, Gonkong jáne Taıland A tobynda óner kórsetedi.
Qazaqstandyq gandbolshylar týrnırdegi alǵashqy oıynyn 23 qarashada Aýstralııa quramasyna qarsy ótkizedi.
Eske salaıyq, buǵan deıin Qazaqstan gandbolshylary álem kýbogynda top jarǵanyn habarlaǵan edik.