Almatyda Gagarın dańǵylynyń bir bóligine Ermek Serkebaevtyń esimi berilmek
ALMATY. KAZINFORM – Almatyda qala ákimdigi men máslıhattyń megapolıs kósheleriniń ataýyn ózgertý jáne olarǵa esim berý týraly birlesken qaýlysynyń jobasy kópshiliktiń talqylaýyna usynyldy.
Gagarın dańǵylynyń tarıhı bóligi ózgerissiz qalady. Qujatta Tóle bı kóshesinen Jandosov kóshesine deıingi aralyqtaǵy dańǵyldyń býlvarlyq bóligi týraly aıtylǵan. ıÝ. Gagarın atyndaǵy dańǵyldyń bir bóligin - K. Tımırıazev kóshesinen Ermek Serkebaevtyń esimimen ataý josparlanyp otyr.
«Belgili bolǵandaı, birinshi ǵaryshker, Keńes Odaǵynyń batyry ıÝrıı Gagarınniń esimimen shartty túrde «13-lınııa» degen kóshe ataldy. Onyń negizgi bóligi qazirgi Tóle bı (burynǵy Komsomolskaıa 1991 jylǵa deıin) jáne Jandosov (burynǵy Qarǵaly tas joly 1964 jylǵa deıin) kósheleriniń sheginde boldy. Sheshimdi 1961 jylǵy 14 sáýirdegi Almaty qalalyq atqarý komıteti qabyldaǵan bolatyn. Tóle bı kóshesinen ıÝ. Gagarın dańǵylynyń negizgi, býlvarlyq bóligi Jandosov kóshesinde úzilip, tek 2 kvartaldan nemese 560 metrden keıin jalǵasady. Sonymen qatar bul aımaqta jaıaý júrginshiler nemese basqa joldar joq. Osy jaǵdaıdy, sondaı-aq qalanyń ósip kele jatqan halqyn eskere otyryp, zamanaýı qalalar jaǵdaıynda turǵyndar, qonaqtar men týrıster úshin navıgatsııa kúrdelene túsetinin eskerý qajet», - dep atap máslıhattan.
Depýtattar Ermek Serkebaevtyń esimin dańǵyldyń bir bóligine berý onyń erekshe eńbeginiń aqtalǵanyn kórsetedi dep otyr.
E. Serkebaev – Abaı atyndaǵy Qazaq memlekettik akademııalyq opera jáne balet teatrynyń solısi, KSRO men Qazaqstannyń halyq ártisi. Qazaq, orys jáne basqa tilderdegi klassıkalyq jáne keńestik shyǵarmalardyń kórnekti qazaqstandyq ánshisi, halyq ánderiniń, romanstardyń jáne bas opera partııalarynyń oryndaýshysy. Mysaly, Abaı, Onegın, Knıaz Igor jáne taǵy basqa partııalardy shyrqaǵan. 50-den astam elde kontsert ótkizdi. Onyń repertýarynda qazaq ánderimen qatar «Nado mnoı nebo sınee», «Na bezymıannoı vysote», «Sevastopolskıı Vals», «Pesnıa o Moskve» syndy ózge halyqtardyń da ánderi boldy.
Budan ózge, Áýezov aýdanyndaǵy ıÝbıleınaıa kóshesine Vladımır Tolokonnıkov atyn Bostandyq jáne Túrksib aýdandaryndaǵy ataýsyz kóshelerge Eskendir Hasanǵalıev pen ıÝrıı Pomerantsevtiń esimderin berý usynyldy.
Vladımır Tolokonnıkov – akter, Qazaqstannyń eńbek sińirgen ártisi, Almatyda shamamen elý jyldaı M. Lermontov atyndaǵy Memlekettik akademııalyq orys drama teatrynda jumys istedi. Qyryqtan astam fılmge túsken óner sheberi. ıÝbıleınaıa kóshesinde bir kezderi V. Tolokonnıkovtyń ózi otbasymen birge ómir súrgen.
Eskendir Hasanǵalıev – ánshi, kompozıtor, Qazaqstannyń Halyq ártisi, Qazaqstan Respýblıkasy Memlekettik syılyǵynyń laýreaty. «Anaǵa sálem», «Asyl arman», «Ádemi-aý», «Saǵyndym seni», «Gúl sezim» jáne t. b. ánderdiń avtory.
ıÝrıı Pomerantsev – akter, rejısser, pedagog, Qazaqstannyń Halyq ártisi. Elýinshi jyldardan bastap «Bizdiń súıikti dáriger» fılminde oınap, barlyq qazaqstandyqtyń súıiktisine aınalǵan edi.
Eske salsaq, qaýly jobasy osy jyldyń 28 mamyryna deıin talqylaý úshin ashyq NQA portalynda bolady.
Buǵan deıin megapolıste birneshe kóshege belgili óner qaıratkerleriniń esimi beriletini týraly jazǵan edik.
