Almatyda Eýrazııalyq úkimetaralyq keńestiń otyrysy ótedi
ALMATY. KAZINFORM – 1-3 aqpanda Almatyda Eýrazııalyq úkimetaralyq keńestiń kezekti otyrysy ótedi.
Oǵan Qazaqstan, Reseı, Armenııa, Belarýs, Qyrǵyzstan úkimet basshylary men Eýrazııalyq ekonomıkalyq komıssııa alqasynyń basshysy qatysady. Sondaı-aq EAEO janyndaǵy baqylaýshy memleketterdiń ókilderi, TMD Bas hatshysy jáne Eýrazııalyq damý bankiniń basqarma tóraǵasy shaqyryldy.
Otyrystyń kún tártibinde saýda-ekonomıkalyq yntymaqtastyq, EAEO-nyń ıntegratsııalanǵan aqparattyq júıesi jáne taǵy basqa máseleler qamtylǵan.
Erteń EAEO elderiniń Premer-mınıstrleri jyl saıynǵy «Digital Almaty» forýmynyń plenarlyq otyrysyna qatysady.
Paneldik pikirtalastar sheńberinde halyqaralyq sarapshylar, sala kóshbasshylary, IT jáne bıznes salasyndaǵy jetekshi ınnovatorlar qatarynan 200-den asa spıker óz oılaryn ortaǵa salady.
