Almatyda esirtkini jasyryn qoıyp ketýmen aınalysqan 105 adam ustaldy
ALMATY. KAZINFORM – Byltyr Almatyda esirtkiniń zańsyz aınalymyna baılanysty 716 buzýshylyq anyqtaldy
Qalalyq esirtki qylmysyna qarsy is-qımyl basqarmasynyń asa mańyzdy ister jónindegi aǵa jedel ýákili Dáýren Kóbeevtiń aıtýynsha, 2024 jyly megapolıste bir tonnadan astam esirtki tárkilenip, 23 esirtki zerthanasy joıyldy.
– Bir jyl ishinde «esirtki qoıyp ketýshi» dep atalatyn 105 adam ustaldy, bul 2023 jylǵy kórsetkishten áldeqaıda joǵary.Tamyz aıynda asa iri operatsııa júrgizildi: psıhotroptyq zattardy jasyryn óndirýdiń úsh uıymdastyrýshysy ustaldy, 20,6 keliden astam « mefedron» jáne 750 kg prekýrsorlar, sondaı-aq 800-ge jýyq aldyn ala oralǵan esirtki baılamy tárkilendi, – dedi spıker.
Nashaqorlyqqa qarsy kúres aıasynda 2024 jyly esirtki satýshylarmen baılanysqan 12 200 graffıtı boıalyp, buǵattaý úshin «Kıbernadzorǵa» jiberilgen 623 ınternet-saıt anyqtaldy.
Qylmystyq jaýapqa 322 adam tartylsa, onyń 15-i sheteldik.
– 2024 jyly Almatyda kámeletke tolmaǵandardyń qatysýymen 9 qylmystyq is tirkeldi. Solardyń birin ustaýǵa men qatystym. Jazǵy kanıkýl kezinde kámeletke tolmaǵan bala qalada ilingen jarnamaǵa tap bolady. Ol siltemege ótip, ony ata-anasyna da kórsetken. Biraq úlkender aqparatty durys teksermegen. Nátıjesinde bala esirtki saýdasymen ustaldy. Ata-analar balalarynyń bos ýaqytyn qadaǵalap otyrýy, – polıtsııa ókili brıfıng barysynda.
Osyǵan deıin Almatyda quny 420 mln teńgeden asatyn «sıntetıka» prekýrsorlary tárkilengeni týraly jazǵan edik.
Budan bólek, Almatyda transulttyq uıymdasqan qylmystyq top múshelerine úkim shyqqan bolatyn.
