Almatyda esirtkige mas taksı júrgizýshisi adam tasyǵan

ALMATY. KAZINFORM — Almatyda taksı júrgizýshisi esirtkige mas kúıde kólik júrgizgen.

Almatyda ákimshilik polıtsııanyń mamandandyrylǵan batalonynyń qyzmetkerleri túngi ýaqytta avtokólikti toqtatty. Óıtkeni júrgizýshiniń áreketi kúmán týdyrǵan. Polıtsııa qyzmetkerleri ony birden sot-medıtsınalyq narkologııalyq saraptamaǵa jiberdi.

Medıtsınalyq tekseris júrgizýshiniń esirtkige mas bolǵanyn rastady. Ol sol jerde-aq kólik júrgizý quqyǵynan shettetilip, Bostandyq aýdandyq polıtsııa basqarmasyna jetkizildi.

— Mas kúıde kólik júrgizý zańdy óreskel buzý ǵana emes, adamdardyń ómirine tikeleı qaýip tóndiretin áreket. Ásirese, mundaı júrgizýshiler jolaýshy tasymaldaýmen aınalysqanda, jaǵdaı tipti aýyrlaıdy. Óıtkeni olar ózderine senip mingen klıentterge ǵana emes, joldaǵy barlyq azamatqa qaýip tóndiredi, — dedi Almaty polıtsııa departamenti Ákimshilik polıtsııa basqarmasynyń bastyǵy Serik Shýmaev.

Eske salaıyq, buǵan deıin Astanada mas kúıde kólik júrgizgen sýdıa ustalǵanyn habarlaǵanbyz.

Keıinirek Bas prokýratýra sýdıany jaýapqa tartý týraly Prezıdentke usynym joldady.