Almatyda esirtki jarnamasyn úı qasbetterine salǵan kúdikti ustaldy
ALMATY. KAZINFORM - Almatyda esirtkini jarnamalaǵan 33 jastaǵy jergilikti turǵyn ustaldy. Ol Bógenbaı batyr men Chokın kósheleriniń qıylysyndaǵy ǵımarattyń qasbetterine esirtki jarnamasyn salǵan.
Almaty qalasy polıtsııasynyń málimetine sáıkes, kúdikti buryn esirtki qylmysy úshin sotty bolǵan.
«Keshke qaraı qaskóı esirtki jazýy bar trafaretpen jáne basqa da «kórkem» qural-jabdyqtarmen qarýlanyp, úılerdiń aýlasyna qaraı bet aldy. Onyń qasynda serigi boldy. Osylaısha jastar ózderine nazar aýdartpaımyz dep oılady. Alaıda, olar ustaldy. Qyzdyń róli tergeý barysynda anyqtalatyn bolady. Kúdikti qamaýǵa alyndy. Esirtki, psıhotroptyq zattar men prekýrsorlardyń analogtaryn nasıhattaý nemese zańsyz jarnamalaý deregi boıynsha sotqa deıingi tergeý bastaldy», - dedi Almaly aýdandyq polıtsııa Basqarmasy bastyǵynyń orynbasary Maqsat Pshan.
Eske salaıyq, buǵan deıin Ekibastuzda sıntetıka óndiretin esirtki zerthanasy joıylǵanyn jazǵanbyz.
Sondaı-aq 34 keli marıhýana, 2 keli gashısh alyp júrgen esirtki jetkizýshi elordada ustaldy.
Shymkentte 2,5 myń adam esirtki jarnamasyn joıýǵa atsalysty.
