Almatyda esirtki jarnamasyn kóshege beınelegen 2 úndistandyq ustaldy

ALMATY. KAZINFORM – Esirtki qylmysyna qarsy kúres basqarmasynyń qyzmetkerleri arnaıy is-shara barysynda 24 jáne 26 jastaǵy eki Úndistan azamatyn ustady. Olar Prokofev kóshesindegi úılerdiń aýlasynda esirtki betbelgisin qoıyp jatqan.

«Sot-hımııalyq saraptama qorytyndysy boıynsha kúdiktilerden tárkilengen túıinshekterdiń ishinde mefedron esirtki zaty bolǵan. Olar qylmystaryn moıyndady. Qazirgi ýaqytta Almatyǵa shópti jetkizý arnasy jáne ony óndirýdiń yqtımal joldary anyqtalýda. Ustalǵandar qamaýǵa alyndy. Esirtki satý deregi boıynsha sotqa deıingi tergeý bastaldy», - dedi Almaty qalasy Polıtsııa departamenti bastyǵynyń orynbasary, polıtsııa polkovnıgi Qýatbek Naýatov.

Aıta keteıik, Qazaqstan QR QK-niń 201 babyna sáıkes ózge aqparat tergeý múddesine oraı jarııa etilmeıdi. QR Konstıtýtsııasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.

Eske salaıyq, buǵan deıin Almatyda jyl basynan 300 kelige jýyq esirtki tárkilengenin jazǵan edik.