Almatyda esirtki jarnamalaǵan turǵyn sottaldy

ALMATY. KAZINFORM — Almatyda esirtki jarnamalaǵan turǵyn 3 jylǵa sottaldy.

Qala prokýratýrasynyń úılestirýimen polıtsııa qyzmetkerleri qoǵamdyq oryndarda esirtki quraldaryn jarnamalaýǵa qarsy baǵyttalǵan jedel-izdestirý sharalaryn júrgizdi.

— Nátıjesinde, esirtki quraldaryn jarnamalaıtyn ınternet-saıttardyń mekenjaılarynyń habarlandyrýlaryn aqsha úshin jazyp júrgen er adam ustaldy, — dep habarlady prokýratýradan.

Sot úkimimen ol QR Qylmystyq kodeksiniń 299-1-baby 2-bóliginiń birinshi jáne tórtinshi tarmaqtary boıynsha kináli dep tanylyp, 3 jylǵa bas bostandyǵynan aıyryldy.

— Sondaı-aq, dál osyndaı jarnamamen paraqshalardy taratqan azamat pen psıhotroptyq zattardy «qaldyrýmen» aınalysqan taǵy bir quqyqbuzýshy ustaldy. Tintý kezinde jalpy salmaǵy 7,866 gramm bolatyn 168 mefedron oramy tabyldy. Kúdiktiler qamaýǵa alyndyn. Qazir sotqa deıingi tergeý júrgizilip jatyr, — dep atap ótti vedomstvodan.

Osyǵan deıin Almatyda esirtki jarnamasyn úı qasbetterine salǵan kúdiktiniń ustalǵany týraly jazǵan edik. 

Eske salaıyq, Prezıdent esirtki óndirýge qatysty qylmystyq jaýapkershilikti qataıtatyn zańǵa qol qoıǵan bolatyn.