Almatyda esirtki zerthanasyn ashqan erli-zaı̆yptylar ustaldy

ALMATY. KAZINFORM - Almatynyń Alataý aýdanynda erli-zaı̆yptylar óz páterinde esirtki zerthanasyn uı̆ymdastyrýmen aı̆nalysqan.

Qalalyq polıtsııa departamentiniń málimetinshe, erli-zaı̆yptylardyń sıntetıkalyq esirtki zatyn óndirip, bólshek saýda úshin qaptamaǵa salǵany belgili boldy.

«Esirtki satýshylardy ustaý boı̆ynsha arnaı̆y is-shara Almaty qalasy boı̆ynsha UQKD qyzmetkerleriniń kómegimen «Qarasora» is-sharasy aıasynda júrgizildi. Kúdiktiler úı̆diń janynda ustaldy. Olar krıstaldanǵan zatty, aq tústi shógindileri bar shyny naýany jáne aqshany tapty. Al ustalǵandardyń úı̆in tintý kezinde zerthanalyq jabdyqtar, prekýrsorlardy saqtaýǵa arnalǵan shyny ydystar, magnıttik aralastyrǵysh, elektr sorǵylar, shyny kolbalar, noýtbýkter, 265 myń teńge kólemindegi qolma-qol aqsha, erekshe ıisi bar ósimdik tektes jasyl zat jáne basqa da quraldar tabyldy jáne tárkilendi», - dep habarlady Almaty qalalyq PD Esirtki qylmysyna qarsy kúres basqarmasynyń bastyǵy Murat Jumabaev.

Sot-hımııalyq saraptamasynyń qorytyndysyna sáı̆kes, tárkilengen zat «mefedron» esirtki zaty ekeni anyqtaldy. Eki kúdikti de Almaty qalalyq PD-niń ýaqytsha ustaý ızolıatoryna qamaldy.

Eske salaıyq, Memleket basshysy esirtkimen kúreste naqty nátıjege qol jetkizdik deýge áli erte dep aıtqan bolatyn.