Almatyda esirtki satýmen aınalysqan tórt qylmystyq top ustaldy
Bıyl Almaty polıtsııasy zańsyz aınalymnan 1 tonnadan astam esirtki tárkiledi, dep habarlaıdy dep Kazinform.
Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetovtyń aıtýynsha, jyl qorytyndysy boıynsha tártip saqshylary megapolıske esirtki ákelýdiń turaqty 5 arnasyn joıdy.
«Júrgizilgen maqsatty jedel-izdestirý is-sharalarynyń nátıjesinde qala aýmaǵynda marıhýana men gashısh satý jáne taratýmen aınalysqan 4 adamnan turatyn top ustaldy. Ustaý kezinde, sondaı-aq tintý júrgizilgen oryndarda 157 keliden astam gashısh pen 54 keli marıhýana tárkilendi. Sonymen qatar esirtkiniń zańsyz aınalymyna qatysty qylmystyq quqyq buzýshylyqtar 34,6%-ǵa artyq ashyldy. Polıtsııa qyzmetkerleri esirtki satýdyń 202 dereginiń jolyn kesti. 16 esirtki zerthanasy joıyldy, 83 betbelgi qoıýshynyń qylmystyq áreketi toqtatyldy, – deıdi Erlan Álmaǵambetov.
Basqarma basshysy, jyl basynan beri zańsyz aınalymnan 1 tonnadan astam esirtki, onyń ishinde 603 keliden astam marıhýana, 243 keli gashısh, 557 gramm geroın, 83 keli sıntetıkalyq esirtki sondaı-aq 3 tonna kóknár tuqymy tárkilengenin jetkizdi.
